हामी सबैकाे संसारन्यूज

१ साउन, काठमाडौं । भारतमा कोरोना संक्रमित हुनेको संख्या ३९ हजारमा झरेको छ । भारतमा बिहीवार ३९ हजार ८२७ जनामा कोरोना संक्रमण पुष्टि भएको छ ।

सोहि अवधिमा कोरोना संक्रमणकै कारण ५४४ जनाले ज्यान गुमाएका छन् । समाचार ऐजेन्सीका अनुसार ज्यान गुमाउनेको यो संख्या १०१ दिनयताकै कमी हो । भारतमा प्रतिदिन कोरोना संक्रमित हुनेको संख्या घट्दै गए पनि मृत्यु हुनेको संख्यामा भने कमी आएको थिएन ।

त्यसैगरी विहीबार भारतमा ३९ हजार ८२७ जना कोरोना संक्रमणबाट मुक्त भएका छन् । पछिल्ला केही सातायता भारतमा संक्रमित हुने भन्दा निको हुनेको संख्या बढ्दै गइरहेको छ ।

भारतमा हालसम्म ३ करोड १० लाख मानिसहरु कोरोना संक्रमित भएका छन् । ती मध्ये ३ करोड १ लाख संक्रमणबाट मुक्त भइसकेका छन् । कूल संक्रमित मध्ये ४ लाख २४ हजारले कोरोना संक्रमणका कारण ज्यान गुमाएका छन् । त्यस्तै हाल ४ लाख २४ हजार सक्रिय संक्रमितको उपचार भइरहेको छ ।