हामी सबैकाे संसारन्यूज

४ साउन, काठमाडौं । प्रधानमन्त्री शेर बहादुर देउवालाई भारतका प्रधानमन्त्री नरेन्द्र मोदीले दुईपटक शुभकामना दिएका छन् ।

प्रधानमन्त्री देउवाले आइतवार संसदबाट बहुमत सांसदको मतसहित विश्वासको मत लिनासाथ सामाजिक संजाल ट्विटरमार्फत् शुभकामना दिएका मोदीले सोमबार पुनः फोन गरेर बधाई तथा शुभकामना दिएका हुन् ।

सोमबार भएको दुवै देशका प्रधानमन्त्रीको टेलिफोन वार्तामा भारतीय प्रधानमन्त्री मोदीले दुई देशको सम्बन्ध थप सुदृढ हुने भन्दै कार्यकाल सफलताको शुभकामना दिएका थिए । उनले नेपाल–भारत दुवै मिलेर कोरोना भाइरसविरुद्धको लडाइमा सहकार्य गर्ने बताउँदै नेपालका लागि छिट्टै खोप उपलब्ध गराइने समेत बताएका छन् ।

Spoke with Prime Minister @DeubaSherbdr to convey my congratulations and best wishes. We will work together to further enhance the wide-ranging cooperation between India and Nepal, including in the fight against the COVID-19 pandemic.

— Narendra Modi (@narendramodi) July 19, 2021

असार २९ गते प्रधानमन्त्री पदमा नियुक्त भए लगत्तै प्रधानमन्त्री देउवालाई भारतीय राजदूत विजय मोहन क्वात्राले प्रधानमन्त्री निवासमै पुगेर बधाई दिएका थिए भने प्रधानमन्त्री मोदीले बधाई नदिँदा राजनीतिक वृत्तमा विभिन्न टिप्पणीहरु गरिएका थिए । तर,आइतवार प्रधानमन्त्री देउवाले बहुमतसहित विश्वासको मत लिनासाथ मोदीले ट्विटरमार्फत् र सोमबार फोनै गरेर शुभकामना दिएका हुन् ।