हामी सबैकाे संसारन्यूज

१४ साउन, काठमाडौँ । मैलुङ खोला जलविद्युत कम्पनी लिमिटेडले आज साउन १४ गतेबाट सर्वसाधारणका लागि प्राथमिक शेयर (आईपीओ) विक्री खुला गरेको छ ।

कम्पनीले प्रतिकित्ता १ सय रुपैयाँ अंकित दरमा ७ करोड ३६ लाख २८ हजार ६ सय रूपैयाँ बराबरको ७ लाख ३६ हजार २ सय ८६ कित्ता साधारण शेयर निष्काशन तथा बिक्री खुल्ला गरेको हो । निष्काशन गरिएकाे कुल शेयरमध्ये २ प्रतिशत अर्थात १४ हजार ७२६ कित्ता शेयर कर्मचारीहरुका लागि र ५ प्रतिशत अर्थात ३६ हजार ८१४ कित्ता शेयर सामूहिक लगानी कोषलाई छुट्याएको छ । सर्वसाधारणले बाँकी ६ लाख ८४ हजार ७४६ कित्ताका लागि आवेदन दिन सक्नेछन् ।

लगानीकर्ताले उक्त शेयरमा न्यूनतम १० कित्ताका देखि अधिकतममा १ लाख कित्ता सम्मका लागि आवेदन दिन सक्नेछन । उक्त शेयरमा सर्वसाधारणले साउन १८ गतेसम्म आवेदन दिन पाउनेछन । आईपीओमा आवेदन दिने लगानीकर्ताहरुको संख्या हेर्दा यस कम्पनीको आईपिओमा पनि १० कित्ता आवेदन दिनु उपयुक्त देखिन्छ ।

कम्पनीको धितोपत्र निष्काशन तथा बिक्री प्रबन्धक सिद्धार्थ क्यापिटल लिमिटेड रहेको छ । सर्वसाधारणले नेपाल धितोपत्र बोर्डबाट स्वीकृति प्राप्त गरेका सम्पूर्ण सि–आस्बा सदस्य बैंक तथा वित्तीय संस्थाहरु तथा तिनका शाखा कार्यालय र मेरो शेयर मोबाइल एपबाटबाट आवेदन दिन सक्नेछन ।