Sansar News
साउन २०, काठमाडौं । स्पष्टीकरण सोध्ने सरकारको निर्णयप्रति रेल्वे कम्पनीका महाप्रबन्धक गुरु भट्टराईले आक्रोश पोखेका छन् । सत्तारुढ गठबन्धन सबै नेताहरुलाई भट्टराईले निकै असभ्य र चुनौतिपूर्णं भाषामा आक्रोश पोखेका छन् ।
भट्टराईले प्रधानमन्त्री शेरबहादुर देउवासहित माओवादी केन्द्रका अध्यक्ष पुष्पकमल दाहाल प्रचण्ड, नेकपा (एमाले)का वरिष्ठ नेता माधवकुमार नेपालसहितका नेताहरुप्रति आक्रोश पोखेका छन् । उनले विशेषगरि प्रचण्ड र माधव नेपालप्रति निकै असभ्य भाषाको प्रयोग गर्दै गालीसमेत गरेका छन् ।
माधव नेपाल राजनीतिक क्यान्सर भएको भन्दै काटेर फाल्नुपर्ने पनि बताएका छन् । उनले माधवसँग मैदानमै हिसाब–किताब हुने चुनौति पनि दिएका छन् ।
सामाजिक सञ्जालमार्फत उनले आफुँले नियुक्त गरेका कर्मचारीलाई निकाले सत्ता हल्लाइदिने पनि चेतावनी दिएका छन् ।
वि.सं.२०७८ साउन २० बुधवार १२:५३ मा प्रकाशित
