हामी सबैकाे संसारन्यूज

२१ साउन, पोखरा । कोरोना संक्रमणबाट गण्डकी प्रदेशमा बिहीवार ९ जनाको मृत्यु भएको छ । प्रदेशको स्वास्थ्य निर्देशनालयका अनुसार मृत्यु हुनेमा नवलपरासीपूर्वका ३, कास्कीका २ तथा स्याङजा, बागलुङ, गोरखा र मुस्ताङका १/१ जना गरी ९ जना रहेका छन् ।

बिहीवार थपिएका ९ जनासँगै प्रदेशमा हालसम्म ज्यान गुमाउनेको संख्या १ हजार ११८ पुगेको छ ।

त्यस्तै प्रदेशमा बिहीवार म्याग्दीमा ३७, पर्बतमा १३, गोरखामा ८३, लमजुङमा १९, तनहुँमा २३, कास्कीमा १९१, वाग्लुङमा १००, स्याङजामा ७२ र नवलपरासीपूर्वमा ७८ जना गरी ६१६ जना नयाँ संक्रमित थपिएका छन् । ती मध्ये २९६ जना महिला र ३२० जना पुरुष रहेका छन् । प्रदेशमा केही दिनयता कोरोना संक्रमित बढ्को संख्या निरन्तर बढिरहेको छ ।

निर्देशनालयद्धारा जारी विवरण अनुसार बिहीवार थपिएका संक्रमितमध्ये सबैभन्दा बढी कास्कीमा १९१ जना नयाँ संक्रमित थपिएका हुन् ।
बिहीवार थपिएका ६१६ जनासँगै प्रदेशमा हालसम्म ७० हजार २६७ जनामा कोरोना संक्रमण पुष्टि भएको छ भने ती मध्ये ६३ हजार २९१ जना निको भइसकेका छन् ।

निर्देशनालयका अनुसार प्रदेशमा हाल ५६८६ सक्रिय संक्रमित रहेका छन् । ती मध्ये होम आइसोलेशनमा ५४३३ जना रहेका छन् भने अन्यको विभिन्न अस्पताल तथा संस्थागत आइसोलेशन सेन्टरमा उपचार भइरहेको छ ।

गण्डकी प्रदेशमा थप ४ कोरोना संक्रमितको मृत्यु, ५०० संक्रमित, आज कुन जिल्लामा कति थपिए त ?