Sansar News
साउन ३१, काठमाडौं । मोहन वैद्य ‘किरण’ नेतृत्वको नेकपा (माओवादी क्रान्तिकारी)ले नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीसँग तत्काल एकता नगर्ने भएको छ । कृष्ण सेन इच्छुक प्रतिष्ठान, ललितपुरमा चार दिनसम्म चलेको बैठकले तत्काल विप्लवसँग एकता सम्भव नरहेको निष्कर्ष निकालेको हो ।
क्रान्तिकारी माओवादीका एक केन्द्रीय सदस्यले बताएअनुसार विप्लव समूहका धेरै विषय अझै अस्पष्ट रहेको निष्कर्षसहित यस्तो निष्कर्ष निकालेको हो । वैद्य माओवादीले मुद्दागत रुपमा सहकार्य गर्न भने सकिने निष्कर्ष निकालेको छ ।
माओवादीले सत्ता गठबन्धनको भविष्य नरहेको पनि निष्कर्ष निकालेको छ । एमसीसीलगायतका मुद्दामा सत्ता गठबन्धन भत्किन सक्ने वैद्य माओवादीको निष्कर्ष छ ।
वैद्य माओवादीले सत्तामा रहेको माओवादी केन्द्रलगायतसँग पनि मुद्दागत रुपमा सहकार्य गर्न सकिने निष्कर्ष निकालेको छ ।
वि.सं.२०७८ साउन ३१ आइतवार १४:०२ मा प्रकाशित
