हामी सबैकाे संसारन्यूज

३२ साउन, काठमाडौं । नेपाल तरुण दलले अफगानिस्तानमा रहेका नेपालीहरुको सुरक्षित घरफिर्तीको पहल गर्न सरकार समक्ष माग गरेको छ ।

बिद्रोही संगठन तालिबानले विदेशी नागरिकहरुलाई अफगानिस्तान छाड्न चाहेमा समय दिएकोले पनि अफगानिस्तानमा ठूलो संख्यामा रहेको नेपाली नागरिकको सुरक्षित घर फिर्ती र त्यहाँ रहेका आफ्ना नागरिकको जीवन रक्षाको सुनिश्चितताको लागि पहलगर्न सरकार समक्ष माग गरेको हो ।

‘यस्तो अवस्थामा द्वन्दरत मुलुक अफगानिस्तानबाट आफ्ना नागरिकहरुलाई तत्काल उक्त मुलुक छाड्न र विपत्तिमा परेका नागरिकहरुलाई सरकार आफैले स्वदेश ल्याउन आवश्यक व्यवस्था गर्न एवं उनीहरुको जीवन रक्षा गर्नको निम्ति संवेदनशील भईदिन पनि नेपाल तरुण दल केन्द्रिय समिति नेपाल सरकार संग हार्दिक आग्रह गर्दछ ।’ नेपाल तरुण दलका अध्यक्ष जित जङ्ग बस्नेतद्धारा आइतवार जारी विज्ञप्तिमा भनिएको छ ।