हामी सबैकाे संसारन्यूज

भदौ १, काठमाडौं । नेकपा (एमाले)ले केन्द्रीय कमिटीको विवरण अद्यावधिक गर्न निर्वाचन आयोगमा निवेदन दिएको छ । एमालेका नेताहरु अग्नि खरेल, बाबुराम दाहाललगायतले निर्वाचन आयोग पुगेर अद्यावधिकका लागि निवेदन दिएका हुन् ।

आयोगमा एमालेले केन्द्रीय सदस्यहरुको संख्या २६० रहने गरि निर्णय पठाएको छ । २०७५ जेठ २ अघि २०३ सदस्यीय केन्द्रीय कमिटी रहेकोमा केहि थप गरेर एमालेले आयोग पठाएको हो ।

एमालेले माओवादीसँग एकता गर्दा आफ्नो तर्फबाट २६५ सदस्य बनाएको थियो । तर, निर्वाचन आयोगमा भने एमालेको २०३ सदस्यीय केन्द्रीय कमिटीको मात्रै विवरण छ ।

२०३ मध्ये पनि केहिको मृत्यु र केही राजनीतिक नियुक्तिमा गएको भन्दै एमालेले विवरण अद्यावधिक गर्न पठाएको हो ।

सरकारले मंगलबार मात्रै दल विभाजन गर्न केन्द्रीय समिति वा संसदीय दलमा २० प्रतिशत मात्रै भए विभाजन गर्न पाउने गरि अध्यादेश ल्याएको छ । एमालेले अद्यावधिकका लागि निवेदन दिएसँगै अब माधव पक्षले भने दल विभाजन गर्न ५२ केन्द्रीय सदस्यको समर्थन देखाउनु पर्नेछ ।