Sansar News
१ भदौ, काठमाडौं । सरकारले १८ देखि २५ वर्ष उमेर समुहका सबै परीक्षार्थीलाई कोरोना भाइरसविरुद्धको खोप लगाउने तयारी गरेको बताएको छ ।
स्वास्थ्य राज्यमन्त्री उमेश श्रेष्ठले परीक्षाको प्रभावकारीताका लागि भौतिकरुपमै परीक्षा सन्चालन गर्नुपर्ने बाध्यता रहेको बन्दै खोप वितरणका लागि गृहकार्य गरिरहेको बताएका छन् ।
‘लामो समयदेखि पठनपाठन तथा शैक्षिक क्रियाकलाप भौतिक रुपमा सञ्चालन गर्न सकिएको छैन । परीक्षाको प्रभावकारिताका लागि भौतिक रुपमै सञ्चालन गर्नुपर्ने बाध्यता छ,’ स्वास्थ्य राज्यमन्त्री श्रेष्ठले सामाजिक संजाल ट्विटरमार्फत् भनेका छन, ‘परीक्षा दिने १८ वर्षदेखि २५ वर्ष उमेर समूहका सबै परीक्षार्थीलाई खोप वितरणका लागि गृहकार्य गरिरहेका छौं ।’
लामो समयदेखि पठनपाठन तथा शैक्षिक क्रियाकलाप भौतिक रुपमा सञ्चालन गर्न सकिएको छैन । परीक्षाको प्रभावकारिताका लागि भौतिक रुपमै सञ्चालन गर्नुपर्ने बाध्यता छ । परीक्षा दिने १८ वर्षदेखि २५ वर्ष उमेर समूहका सबै परीक्षार्थीलाई खोप वितरणका लागि गृहकार्य गरिरहेका छौं ।
— Umesh Shrestha (@MohpStateMin) August 17, 2021
सरकारले यसअघि पनि टियूका विभिन्न परीक्षामा सहभागी हुने देशैभरीका परीक्षार्थीहरुलाई खोप वितरण गरेको थियो भने कोरोनाको जोखिमलाई मध्येनजर गर्दै कक्षा १२ को परीक्षा स्थगीत गरिएको थियो ।
वि.सं.२०७८ भदौ १ मंगलवार १६:१२ मा प्रकाशित
