हामी सबैकाे संसारन्यूज

१ भदौँ, काठमाडौँ । सिभिल बैंकले वरिष्ठ वचत खाता योजना ल्याएको छ । समाजका वरिष्ठ व्यक्तिहरुको सम्मान गर्दै सिभिल बैंकले सर्वाधिक ब्याजदर उपलब्ध गराउने वरिष्ठ वचत खाता संचालन्मा ल्याएको हो ।

५८ वर्ष भन्दा माथिकाले न्युनतम मौज्दात १० हजार राखी खोल्न सकिने यस वचत खातामा वार्षिक ६.०५ प्रतिशतको सर्वाधिक ब्याजदर प्रदान गरिनुको साथसाथै ब्याजको भुक्तानी मासिक रुपमा प्रदान गर्ने छ । यसको अलावा विशेष सेवा अन्तर्गत रकम राख्न र झिक्न बैंकले घरदैलो सेवा पनि उपलब्ध गराउने छ ।

बैंकका प्रमुख कार्यकारी अधिकृत सुनील पोखरेलले कोरोना संक्रमणबाट सिर्जित कठिन अवस्थालाई मध्यनजर गर्दै वरिष्ठ व्यक्तित्वहरुको सुविधा तथा आवश्यकतालाई मनन गर्दै बैंकले मासिक भुक्तानी तथा घरदैलो सेवा पनि उपलब्ध गराउने बताए ।

सिभिल बैंक लिमिटेडले आफ्ना ग्राहकहरुलाई आगामी दिनमा थप यस्तै आकर्षक सेवा-योजनाहरु प्रदान गर्दै जाने पनि बताएको छ ।