हामी सबैकाे संसारन्यूज

भदौ ७,काठमाडौं । पार्टी विभाजनमा माधवकुमार नेपाललाई साथ नदिएका एमालेका नेताहरु र पार्टी अध्यक्ष केपी शर्मा ओलीबीच १० बुँदे सहमती कार्यान्वयन गर्ने सहमति भएको छ । ओली निवासमा सोमबार भएको छलफलमा ओलीले १० बुँदे कार्यान्वयनमा सहमित जनाएको नेता योगेश भट्टराईले जानकारी दिए ।

थप निर्णय लिन मंगलबार (भोली) बोलाइएको उनले जानकारी दिए । उनका अनुसार मंगलबार बस्ने बैठकले १० बुँदे कार्यान्वयनका लागि मोडालिटी तयार गर्नेछ ।

सहमतिअनुसार पार्टीलाई २ जेठ २०७५ मा फर्काउने प्रस्ताव मंगलबारको स्थायी कमिटीका पेश हुनेछ ।

‘१० बुँदे कार्यान्वयन गर्ने मोडालिटीका लागि भोलि स्थायी कमिटी बैठक बस्छ। १० बुँदेले भनेअनुसार २०७५ जेठ २ कायम भएको छ। केन्द्रदेखि टोलसम्मका सबै कमिटी क्रियाशिल हुन्छ,’ भट्टराईले भने, ‘ती कसरी क्रियाशिल हुन्छन् भोलि हामी त्यो ढाचाबारे कुरा गर्छौ। भोलिको बैठकमार्फत अलग्गै पार्टी दर्ताको प्रक्रियामा रहेका नेतालाई पार्टी एकतामा फर्किन आग्रह गर्छौ।’