हामी सबैकाे संसारन्यूज

७ भदौ, पोखरा । कोरोना संक्रमणबाट गण्डकी प्रदेशमा सोमवार थप ४ जनाको मृत्यु भएको छ । प्रदेशको स्वास्थ्य निर्देशनालयका अनुसार मृत्युहुनेमा कास्कीका ३ र स्याङजाका १ गरी ४ जनाको मृत्यु भएको हो ।

सोमवार थपिएका ४ जनासँगै प्रदेशमा हालसम्म ज्यान गुमाउनेको संख्या १ हजार २४३ पुगेको छ ।

त्यस्तै प्रदेशमा सोमवार म्याग्दीमा ४, पर्वतमा १, गोरखामा १७, लमजुङमा १७, तनहुँमा ४, कास्कीमा १६४, वाग्लुङमा ९, स्याङजामा २८ र नवलपरासीपूर्वमा २५ जना गरी १६९ जना नयाँ संक्रमित थपिएका छन् । ती मध्ये १४२ जना महिला र १२७ जना पुरुष रहेका छन् सोमवार थपिएका २६९ जनासँगै प्रदेशमा हालसम्म ७९ हजार २६ जनामा कोरोना संक्रमण पुष्टि भएको छ भने ती मध्ये ७३ हजार २०५ जना निको भइसकेका छन् । सोमवार ६५४ जना संक्रमणबाट मुक्त भएका छन् ।

निर्देशनालयका अनुसार प्रदेशमा हाल ४,५७८ सक्रिय संक्रमित रहेका छन् । ती मध्ये ४२१० जना होम आइसोलेशनमा र अन्यको विभिन्न अस्पताल तथा आइसोलेशन सेन्टरमा उपचार भइरहको निर्देशनालयले जनाएको छ ।

गण्डकी प्रदेशमा थप ७ कोरोना संक्रमितको मृत्यु, २८८ संक्रमित