हामी सबैकाे संसारन्यूज

भदौ ८, काठमाडौं । माधवकुमार नेपाललाई एमालेका ६० केन्द्रीय सदस्यले साथ दिएका छन् । चन्द्रागिरी रिसोर्टमा जारी बैठकमा उपस्थितिको आधारलाई हेर्दा एमालेका ६० सांसद माधव पक्षमा देखिएका छन् ।

२०३ केन्द्रीय सदस्यमध्ये ६० र १२१ सांसदमध्ये २६ सांसद माधव पक्षमा देखिएका छन् । माधव पक्षीय नेतृ निरादेवी जैरुका अनुसार केहि सदस्य सनाखतको समयसम्म थपिनेछन् ।

हालै सरकारले जारी गरेको राजनीतिक दलसम्बन्धी अध्यादेशमा दल विभाजनको लागि केन्द्रीय समितिका वा संसदीय दलका २० प्रतिशत सदस्य मात्रै भए पुग्ने व्यवस्था छ । जसअनुसार माधव पक्षले दुवै तर्फ २० भन्दा बढि प्रतिशत पुर्याउने देखिएको छ ।

एकताको पक्षमा देखिएका भीम रावल, घनश्याम भुसाल, सुरेन्द्र पाण्डेलगायतको समूहले छाड्दै गर्दा माधव पक्षलाई आयोगमा सनाखत पुर्याउन समस्या हुने अड्कल गरिएको थियो । तर, उनीहरुले छाड्दासमेत समस्या नहुने देखिएको छ ।