हामी सबैकाे संसारन्यूज

९ भदौ, काठमाडौं । जनता समाजवादीबाट बिभाजित भएर नयाँ दल दर्ताका लागि निर्वाचन आयोगमा पुगेका नेता महन्त ठाकुरको पक्षमा २१ जनाले सनाखत गरेका छन् ।

महन्थ ठाकुरको नेतृत्वको लोकतान्त्रिक समाजवादी पार्टी दर्ताका लागि सशरीर निर्वाचन आयोग पुगेका जसाका १४ सांसद र ३१ जना कार्यकारिणी सदस्यले सनाखत गरेका छन् । जसमा कार्यकारिणी सदस्यको रुपमा रेशम चौधरीले जेलबाटै सनाखत गरेका छन् ।

तत्कालिन जसपाका १५ जना सांसद र ३१ कार्यकारिणी समितिका सदस्यको दल दर्ताका लागि सनाखत भइसकेको पार्टीका नेता अनिल कुमार झाले जानकारी दिएका छन् ।

नेता झाले आफूहरुले निर्वाचन आयोगले मागेका प्रमाणहरु सबै दिइसकेको अवस्थामा आयोगले आफ्नो प्रक्रिया पूरा गरेर प्रमाणपत्र दिने बताए ।

‘जसपाका सांसद र कार्यकारिणी सदस्यले निर्वाचन आयोगमा सनाखत गर्ने काम सकिएको छ । हाम्रो तर्फबाट निर्वाचन आयोगलाई दिनुपर्ने प्रमाण र गर्नुपर्ने कार्य हामीले गरिसकेकाले निर्वाचन आयोगले पार्टी दर्ता गरेर प्रमाणपत्र दिन्छ ।’

तत्कालिन जसपामा रहेका ३७ सांसद मध्ये १५ जना र ५१ सदस्यीय कार्यकारणिी सदस्य मध्ये ३१ जनाले नयाँ दल दर्ताका लागि सनाखत गरेका छन् ।