हामी सबैकाे संसारन्यूज

११ भदौ, काठमाडौं । आगामी मंसिरमा हुने १४ औं महाधिबेशनका लागि नेपाली कांग्रेसको सभापतिमा उम्मेदवारी दिन लागेका उपसभापति विमलेन्द्र निधीले सबै मठ मन्दिका पूजारीहरुको आर्शिवाद लिएका छन् ।

चुनावी अभियानका लागि उपसभापति निधिले थापा गाउँस्थित बानेश्वर बैंक्वेटलाई सम्पर्क कार्यालय बनाएर आज त्यसको उद्घाटन समेत गरेका छन् ।
उक्त कार्यालयको निधिले शुक्रवार समर्थक, शुभेच्छुक, नेता तथा कार्यकर्ताको उपस्थितिमा उद्घाटन गरेका छन् । कार्यालयमा स्वास्थ्योपचारको समेत व्यवस्था गरिएको जनाइएको छ ।

बिभिन्न मठ मन्दिका पूजारीबाट आर्शिवाद
सभापतिको निर्वाचनको तयारीमा रहेका निधिले आज पशुपतिनाथ,जानकी, दक्षिणकाली, बगलामुखी, डोलेश्वर लगायत विभिन्न मन्दिरका पूजारी तथा पण्डितहरूबाट आर्शिवाद लिएका छन् ।

निधिले शक्रवार बिहान बानेश्वर थापागाउँस्थित सम्पर्क कार्यालयको उद्घाटन गर्नुकाका साथै आर्शिवाद लिएका थिए ।निधिलाई आर्शिवाद दिन पूजारीहरु सम्पर्क कार्यालयमै आइपुगेका थिए ।

निधिले आफु सभापतिमा उठ्ने बताउँदै पार्टीका सभापति तथा प्रधानमन्त्री शेर बहादुर देउवालाई सघाउन भनेका थिए । तर, सभापति देउवाले चुनावमा पुनः सभापतिमा उम्मेदवारी दिने बताएपछि निधिले देउवासँग चुनावी प्रतिश्पर्धा गर्न लोगेको बताइएको छ ।