हामी सबैकाे संसारन्यूज

१३ भदौँ, काठमाडौँ । भारत र इंल्याण्ड बिचको तेस्रो टेस्टमा भारत इनिङ्गस र ७६ रनले पराजित भएको छ ।

टस जितेर पहिले ब्याटिङ्ग गरेको भारत आफ्नो पहिलो इनिङ्गसमा ७८ रनमा अलआउट हुन पुुगेको थियो । भारतका लागि ब्याटिङ्गमा रोहित शर्माले सर्वाधिक १९ रन बनाएका थिए भने इंल्याण्डका लागि बलिङ्गमा क्रेग ओभरटनले सर्वाधिक ३ विकेट लिएका थिए ।

भारत अलआउट भएपछि ब्याटिङ्ग गर्न आएको इंल्याण्डले आफ्नो पहिलो इनिङ्गमा ४३२ रन बनाउदैँ ३५४ रनले अग्रता लिएको थियो । पहिलो इनिङ्गमा इंल्याण्डका लागि ब्याटिङ्गमा कप्तान जो रुटले १२१ रनको शानदार पारी खेलेका थिए । भारतका लागि बलिङ्ग तर्फ मोहम्मद शमीले सर्वाधिक ४ विकेट लिएका थिए ।

पहिलो इनिङ्गमा ३५४ रनले पछि परेका भारत आफ्नो दास्रो इनिङ्गसमा पनि २७८ रनमा आउट भएपछि इंल्याण्डले इनिङ्गस र ७६ रनले जित हासिल गरेको हो । दोस्रो इनिङ्गसमा भारतका लागि चेतेश्वर पुजारले सर्वाधिक ९१ रनको पारी खेलेका थिए भने रोहित शर्मा ५९ र विराटको कोहली ५५ रनको अर्धसतकीय पारी खेलेर आउट भएका थिए । इंल्याण्डका लागि बलिङ्ग तर्फ ओली रोबिन्सनले उत्कृष्ट बलिङ्ग गर्दै सर्वाधिक ५ विकेट लिएका थिए ।

जितसँगै इंल्याण्डले ५ खेलको टेस्ट श्रृखलामा १-१ ले बराबरी गरेको छ ।