हामी सबैकाे संसारन्यूज

१४ भदौ, बुटवल । बुटवल उपमहानगरपालिका ३ को ज्योतिनगरमा आइतवारदेखि जान थालेको पहिरो सोमबार पनि रोकिएको छैन ।

सोमबार पनि त्यहाँ पहिरोका कारण ७ वटा घर पुरिएको र ५० भन्दा बढी घरमा क्षति पुगेको जिल्ला प्रहरी कार्यालय बुटवलले जनाएको छ ।

प्रहरी कार्यालयका अनुसार सोमबार बिहान खसेको थप पहिरोले स्थानिय सीता थकाली, तुल्सा सुवेदी, यमबहादुर पुन, अम्मर विक, इश्वरा पाण्डे, मन कुमारी शर्मा र रोशन राणाको घर पुरेको हो ।

निरन्तर वर्षाका कारण पहिरो खस्ने क्रम नरोकिएपछि आइतवारदेखि नै स्थानीयलाई सुरक्षित स्थानमा सारिएको छ भने पहिरोले गोलपार्कदेखि लक्ष्मीनगर जाने सडकमा समेत क्षति पुर्याएको छ ।