हामी सबैकाे संसारन्यूज

भदौ १४, काठमाडौं । नेकपा (माओवादी केन्द्र)को आकस्मिक स्थायी समिति बैठक पार्टी केन्द्रीय कार्यालय पेरिसडाँडामा जारी छ । स्थायी समिति सदस्य गणेश शाहका अनुसार बैठक केहि बेर अघिदेखि सुरु भएको थियो ।

पछिल्लो समसामयिक विषयमा छलफल गर्न बैठक बसेको बताइएको छ । बैठकमा पार्टीको सांगठनिक विषय र मन्त्रि छनौटको विषयमा केन्द्रित रहेको बुझिएको छ ।

आज मात्रै बसेको सत्तारुढ गठबन्धनको बैठकले एक/दुई दिनभित्रै मन्त्रिमण्डललाई पूर्णंता दिने निर्णय लिएको थियो । माओवादी केन्द्रले हालसम्म मन्त्रीका नामबारे टुंगो लगाएको छैन् ।

साथै गत साता बसेको माओवादी केन्द्रको बैठकले प्रदेशका इन्चार्ज र सहइन्चार्ज तोकेको भएपनि कतिपय प्रदेशका पदाधिकारीहरुबारे टुंगो लगाएको छैन् । बताइएअनुसार आजको बैठकमा यसअघि खाका बनेको सांगठनिक विषयमा पनि छलफल हुनेछ ।