हामी सबैकाे संसारन्यूज

१५ भदौ, काठमाडौं । मौसम तथा पूर्वानुमान महाशाखाले आज देशभर सामान्य बदली रही केहि स्थानहरुमा हल्का देखि मध्यम वर्षाको सम्भावना रहेको जनाएको छ ।

त्यस्तै आज दिउसो सुदूरपश्चिम प्रदेशका एक-दुई स्थानमा मेघ गर्जन÷चट्याङ्ग सहित भारी वर्षाको सम्भावना रहेको छ ।
देशका धेरै स्थानहरुमा हल्का देखि मध्यम वर्षाको सम्भावना रहनुका साथै लुम्बिनी प्रदेश, बागमती प्रदेश, गण्डकी प्रदेशका र सुदुरपश्चिम प्रदेशका थोरै स्थानमा मेघ गर्जन\चट्याङ्ग सहित भारी वर्षाको सम्भावना रहेकोले पहाडी भू–भागमा भू–क्षय, पहिरो तथा गेग्रान बहावको जोखिम रहेको महाशाखाले जनाएको छ ।

महाशाखाले त्यस्ता स्थानमा नदीनाला र खहरे खोलामा पानीको सतह बढ्न सक्ने भएकोले सामान्य सतर्कता अपनाउनु समेत अनुरोध गरेको छ ।

त्यसैगरी आज कोशी,नारायणी,कर्णाली र यसका सहायक नदीहरूमा बहाब केही बढ्ने र महाकाली र यिनका सहायक नदीहरुमा बहाव सामान्य घटबढ हुने तथा मझौला नदीहरुमा बहाब सामान्य घटबढ हुने तथा सतर्कता भन्दा तलै रहने बाढी पूर्वानुमान महाशाखाले जनाएको छ ।