Sansar News
१७ भदौ, काठमाडौं । हाल नेपालमा मनसुनी वायुको सामान्य प्रभाव रहेको छ ।
मौसम पूर्वानुमान महाशाखाले हाल देशभर सामान्य बदली रहि प्रदेश नं १, प्रदेश नं २, बागमती प्रदेश र कर्णाली प्रदेशका थोरै स्थानहरूमा वर्षा भइरहेको छ ।
महाशाखाका अनुसार प्रदेश नं १ र गण्डकी प्रदेशका एक–दुई स्थानमा मेघ गर्जन\चट्याङ्ग सहित भारी वर्षाको सम्भावना रहेको छ।
त्यस्तै राति पनि प्रदेश नं १ र गण्डकी प्रदेशका एक–दुई स्थानमा मेघ गर्जन/चट्याङ्ग सहित भारी वर्षाको सम्भावना रहेको महाशाखाले जनाएको छ ।
त्यसैगरी आज कोशी र यसका सहायक नदीहरू, नारायणीका सहायक नदीहरू विशेषगरी बुढीगण्डकी, मर्स्याङ्दी लगायतमा बहाव बढ्ने र केहीमा सतर्कता आसपास पुग्न सक्ने; कन्काई, बागमती, पूर्वी राप्तीमा बहाव बढ्ने पूर्वानुमान रहेको छ ।
वि.सं.२०७८ भदौ १७ बिहीवार ०८:५८ मा प्रकाशित
