हामी सबैकाे संसारन्यूज

१७ भदौँ, काठमाडौँ । सम्पूर्ण वित्तीय सेवा प्रदान गर्ने लक्षसहित लक्ष्मी बैंकले सुनसरीको चिमडीमा नयाँ शाखा सञ्चालनमा ल्याएको छ । बैंकले आफ्नो १३५ औैँ शाखा सुनसरीको बर्जु गाँउपालिका वडा न. ६ को चिमडीमा सञ्चालनमा ल्याएको हो ।

यस शाखामार्फत बैंकले ग्राहकहरुको वित्तीय आवश्यकता पूरा गर्न सम्पूर्ण रिटेल बैकिङ सेवाका साथै साना तथा लघु व्यवसायीहरु माझ वित्तीय पहुँच पु-याउने लक्ष्य राखेको छ । यस नयाँ शाखाको साथ बैंकले आफ्नो सेवा अझ सुदृढ अनि व्यापक बनाउने बताएको छ । सुविधा जनक बचत खाता योजना, मुद्दती निक्षेप योजना, घर तथा सवारी कर्जा, साना व्यवसायी कर्जा, लघुवित्त, लगायतका वित्तीय सेवाहरुको बढ्दो मागलाई शाखामार्फत पुरा गर्ने पनि बैंकले जनाएको छ ।

यस नयाँ शाखाको सुरुवातसँगै बैंकको शाखा सञ्जाल ४९ जिल्लामा १३५ शाखा, ६ एक्सटेन्सन काउन्टर र ५ हस्पिटल सेवा काउन्टर, १६५ एटिएम, २५०० भन्दा बढी रेमिटेन्स एजेन्ट तथा ६१ शाखारहित बैंकिङ्ग एजेन्टहरु पुगेको छ ।