हामी सबैकाे संसारन्यूज

१७, काठमाडौँ । मुक्तिनाथ विकास बैंक र लक्ष्मी बैंकको ऋणपत्र नेपाल स्टक एक्सचेञ्जमा सूचिकृत भएको छ । नेप्सेमा मुक्तिनाथ विकास बैंकको १२ लाख ५० हजार इकाई र लक्ष्मी बैंकको २० लाख इकाई ऋणपत्र सूचिकृत भएको हो ।

मुक्तिनाथ विकास बैंकले साउन ७ गतेदेखि साउन १२ गतेसम्म ७ वर्ष अवधिको ८.७५ प्रतिशत ब्याजदर भएको ‘मुक्तिनाथ डिबेन्चर २०८४/८५’ नाममा १ अर्ब २५ करोड रुपैयाँ बराबरको १२ लाख ५० हजार कित्ता ऋणपत्र निष्कासन तथा बिक्री खुल्ला गरेको थियो ।

त्यसैगरी लक्ष्मी बैंक लिमिटेडले असार २८ गतेदेखि साउन ५ गतेसम्म १० वर्ष अवधिको ‘८.५५ लक्ष्मी बैंक डिबेन्चर २०८८’ नाममा २ अर्ब रुपैयाँ बराबरको २० लाख कित्ता ऋणपत्र बिक्री खुल्ला गरेको थियो ।

लगानीकर्ताले उक्त ऋणपत्र आइतबार देखि खरीदविक्री गर्न सक्नेछन् ।