Sansar News
१७ भदौ, पोखरा । गण्डकी प्रदेशमा कोरोनाबाट संक्रमण हुने र मृत्यु हुनेको संख्या निरन्तर घट्दै गइरहेको छ ।
प्रदेशमा आज १८२ जनामा कोरोना संक्रमित भएका छन् भने १ जनाको मृत्यु भएको छ ।
आज मृत्यु भएका १ जनासँगै प्रदेशमा मृत्यु हुनेको संख्या १३०१ जा पुगेको छ ।
प्रदेशमा बिहीवार म्याग्दीमा ३, पर्वतमा १०, लमजुङमा ५, तनहुँमा ९, कास्कीमा ९३, वागलुङमा १६, स्याङजामा ३४ र नवलपरासीपूर्वमा १२ जना गरी १८२ जना नयाँ संक्रमित थपिएका छन् । आज थपिएकामा ९३ महिला र ८९ जना पुरुष रहेका छन् ।
बिहीवार थपिएका १८२ जनासँगै प्रदेशमा हालसम्म ८१ हजार ९९२ जनामा कोरोना संक्रमण पुष्टि भएको छ भने ती मध्ये ७७ हजार ३ ५७९ जना निको भइसकेका छन् । बिहीवार प्रदेशमा २६९ जना संक्रमणबाट मुक्त भएका छन् ।
निर्देशनालयका अनुसार प्रदेशमा हाल ३,११२ सक्रिय संक्रमित रहेका छन् । ती मध्ये २,६६१ जना होम आइसोलेशनमा र अन्यको विभिन्न अस्पताल तथा आइसोलेशन सेन्टरमा उपचार भइरहेको निर्देशनालयले जनाएको छ । प्रदेशमा पछिल्लो २४ घण्टामा ९१६ वटा नमुना परीक्षण गरिएको थियो ।
गण्डकी प्रदेशमा आज कोरोना संक्रमणबाट पाँच जनाको मृत्यु, २८८ संक्रमित
वि.सं.२०७८ भदौ १७ बिहीवार १७:२२ मा प्रकाशित
