Sansar News
१६ भदौ, पोखरा । गण्डकी प्रदेशमा पछिल्लो २४ घण्टामा पाँच कोरोना संक्रमितको मृत्यु भएको छ ।
प्रदेशको स्वास्थ्य निर्देशनालयद्धारा जारी विवरण अनुसार आज प्रदेशमा कास्कीमा २ र तनहुँ, बागलुङ, लमजुङका १÷१ जना गरी ५ जनाको मृत्यु भएको छ ।
बुधवार थपिएका ५ जनासँगै प्रदेशमा हालसम्म ज्यान गुमाउनेको संख्या १ हजार ३०० पुगेको छ ।
त्यस्तै प्रदेशमा बुधवार म्याग्दीमा २, पर्वतमा २, लमजुङमा २५, तनहुँमा १३, कास्कीमा १४७, वागलुङमा २, स्याङजामा २८ र नवलपरासीपूर्वमा १६ जना गरी २३५ जना नयाँ संक्रमित थपिएका छन् । आज थपिएकामा ११३ महिला र १२२ जना पुरुष रहेका छन् ।
बुधवार थपिएका २३५ जनासँगै प्रदेशमा हालसम्म ८१ हजार ८१० जनामा कोरोना संक्रमण पुष्टि भएको छ भने ती मध्ये ७७ हजार ३१० जना निको भइसकेका छन् । बुधवार प्रदेशमा २८८ जना संक्रमणबाट मुक्त भएका छन् ।
निर्देशनालयका अनुसार प्रदेशमा हाल ३,२०० सक्रिय संक्रमित रहेका छन् । ती मध्ये २८१३ जना होम आइसोलेशनमा र अन्यको विभिन्न अस्पताल तथा आइसोलेशन सेन्टरमा उपचार भइरहेको निर्देशनालयले जनाएको छ । प्रदेशमा पछिल्लो २४ घण्टामा ९९७ वटा नमुना परीक्षण गरिएको थियो ।
वि.सं.२०७८ भदौ १६ बुधवार १८:०७ मा प्रकाशित
