हामी सबैकाे संसारन्यूज

१५ भदौ, पोखरा । गण्डकी प्रदेशमा पछिल्लो २४ घण्टामा २९७ जनामा कोरोना संक्रमण पुष्टि भएको छ ।

प्रदेशको स्वास्थ्य निर्देशनालयद्धारा जारी विवरण अनुसार आज प्रदेशमा म्याग्दी र लमजुङका १/१ जना गरी २ जनाको मृत्यु भएको छ । मृत्यु हुनेको यो संख्या केही दिनयताकै कमी हो ।

मंगलवार थपिएका २ जनासँगै प्रदेशमा हालसम्म ज्यान गुमाउनेको संख्या १,२९५ पुगेको छ ।

त्यस्तै प्रदेशमा मंगलवार पर्वतमा ३४, गोरखामा ५, लमजुङमा १३, तनहुँमा ३०, कास्कीमा १६२, वागलुङमा १६, स्याङजामा १८ र नवलपरासीपूर्वमा १९ जना गरी २९७ जना नयाँ संक्रमित थपिएका छन् । आज थपिएकमा १५६ महिला र १४१ जना पुरुष रहेका छन् ।

मंगलवार थपिएका २९७ जनासँगै प्रदेशमा हालसम्म ८१ हजार ५७५ जनामा कोरोना संक्रमण पुष्टि भएको छ भने ती मध्ये ७७ हजार २२ जना निको भइसकेका छन् । मंगलवार प्रदेशमा ३१९ जना संक्रमणबाट मुक्त भएका छन् ।

निर्देशनालयका अनुसार प्रदेशमा हाल ३,२५८ सक्रिय संक्रमित रहेका छन् । ती मध्ये २८९३ जना होम आइसोलेशनमा र अन्यको विभिन्न अस्पताल तथा आइसोलेशन सेन्टरमा उपचार भइरहेको निर्देशनालयले जनाएको छ । प्रदेशमा पछिल्लो २४ घण्टामा ९७० वटा नमुना परीक्षण गरिएको थियो ।

गण्डकी प्रदेशमा घट्दै कोरोना संक्रमितको संख्या, आज १७० संक्रमित, ३ को मृत्यु