Sansar News
२० भदौ, काठमाडौं । अमेरिकामा २६ वर्षीय नेपाली युवाको मृत्यु भएको छ ।
अमेरिकाको क्यालिफोर्निया राज्यमा बस्दै आएका झापाका २६ वर्षीय सुमन पोखरेलको अस्पतालमा उपचार गर्ने क्रममा मृत्यु भएको बताइएको छ ।
क्यालिफोर्नियाको दि व्हाइट जोन क्यालिफोर्निया (गैरमुनाफा सामाजिक संस्था)ले पोखरेलको शव नेपाल पठाउने या अमेरिकामा अन्तिम संस्कार गर्ने भनि खर्च जुटाउन गो फण्ड मी खाता समेत खोलेको छ ।
चार वर्षदेखि रिचमण्ड क्यालिफोर्नियामा बस्दै आएका उनलाई शनिबार (सेप्टेम्बर ४) का दिन अस्पताल भर्ना गरेको केही समयमै मृत्यु भएको बताइएको छ ।
गत बर्ष मात्रै नेपाल आएर बिबाह गरेर अमेरिका पmिर्कएका सुमनकी २२ बर्षिय श्रीमती छनर भने उनी बुवाआमाका एक मात्र सन्तान रहेको बताइएको छ । यस दुखद घडीमा सँस्थाले सबैबाट सहयोगको अपेक्षा सहित आह्वान र अपिल समेत गरेको छ ।
सेप्टेम्बर ४ का दिन खोलिएको गो फण्ड मी खाताको लक्ष्य ४० हजार डलर राखिएको छ । १३ घण्टा अगाडी खोलिएको उक्त खातामा ५ सेप्टेम्बर ,बिहान ६ः३० (डिसी को समय अनुसार ) बजे सम्म करिव १८ हजार डलर संकलन भै सकेको बताइएको छ ।
वि.सं.२०७८ भदौ २० आइतवार १७:०६ मा प्रकाशित
