हामी सबैकाे संसारन्यूज

२० भदौँ, काठमाडौँ । बैंक अफ काठमाण्डू लिमिटेडले कुशे औंसी र हरितालिका तीजको पावन अवसरलाई लक्षित गरी फुडमाण्डू, भोजडिल तथा खानपिन फुडमार्फत आफुलाई मनपर्ने खाना तथा खाजाहरु अनलाइन मार्फत खरिद गर्दा नगदफिर्ता योजना ल्याएको छ ।

यो योजना अन्तर्गत ग्राहकहरुले मनपर्ने खाना तथा खाजाहरु अनलाइन मार्फत खरिद गरी बैंकको मोबाईल बैंकिङ्ग तथा कार्डको माध्यमबाट भुक्तानी गर्दा २५५ वा रु.५०० सम्मको नगदफिर्ता हुने बैंकले जनाएको छ।

यस योजनामा सहभागी हुनको लागि अनलाइन अडरपश्चात् बिल भुक्तानी गर्दा बैंकको मोबाईल बैंकिङ्ग (बीओके स्मार्ट) मार्फत क्यूआर कोड स्क्यान गरी तथा बैंकको डेबिट तथा क्रेडिट कार्डमार्फत ई–कम (अनलाइन) कारोबार गर्नुपर्ने छ ।

यो योजना आज भदौ २० गतेदेखि भदौ २४ गतेसम्म लागू हुनेछ । यस योजनामा सहभागी पश्चात् प्रयोगकर्ताबाट कारोबार भएको मूल्यको २५ वा रु. ५०० सम्मको नगद फिर्ता कारोबार भएको पछिल्लो दिन बैंकले सम्बन्धित बैंक खातामा जम्मा गरिने बैंकले जनाएको छ । ग्राहकले यो सुविधा योजना अवधिभर दिनको एकपटक सम्म प्रयोग गर्न सक्नेछन ।