हामी सबैकाे संसारन्यूज

२० भदौ, पोखरा । गण्डकी प्रदेशमा आइतवार ६ जना कोरोना संक्रमितको मृत्यु भएको छ ।

प्रदेशको स्वास्थ्य निर्देशनालयका अनुसार आइतवार प्रदेशको म्याग्दी, पर्वत, तनहुँ, कास्की, बागलुङ र स्याङजामा १÷१ जना गरी ६ जनाको मृत्यु भएको हो ।

आज थपिएका ६ जनासँगै प्रदेशमा मृत्यु हुनेको संख्या १३१२ पुगेको छ ।

प्रदेशमा आइतवार म्याग्दीमा ७, पर्वतमा ५, लमजुङमा १७, तनहुँमा ५, कास्कीमा ३९, वागलुङमा १० र स्याङजामा ९ जना गरी ९२ जना नयाँ संक्रमित थपिएका छन् । आज थपिएकामा ४७ महिला र ४५ जना पुरुष रहेका छन् ।

आइतवार थपिएका ९२ जनासँगै प्रदेशमा हालसम्म ८२ हजार ४२९ जनामा कोरोना संक्रमण पुष्टि भएको छ भने ती मध्ये ७८ हजार ७०७ जना निको भइसकेका छन् । आइतवार प्रदेशमा ३२८ जना संक्रमणबाट मुक्त भएका छन् ।

निर्देशनालयका अनुसार प्रदेशमा हाल २४१० जना सक्रिय संक्रमित रहेका छन् । ती मध्ये २११८ जना होम आइसोलेशनमा र अन्यको विभिन्न अस्पताल तथा आइसोलेशन सेन्टरमा उपचार भइरहेको निर्देशनालयले जनाएको छ । प्रदेशमा पछिल्लो २४ घण्टामा ९०४ वटा नमुना परीक्षण गरिएको थियो ।