Sansar News
भदौ २०, काठमाडौं । भारतीय प्रधानमन्त्री नरेन्द्र मोदीको विरोधमा भईरहेका प्रदर्शनलाई लक्षित गर्दै गृह मन्त्रालयले निकालेको चेतावनीपूर्णं विज्ञप्तीको विषय भारतीय मिडियाका लागि ‘ब्रेकिङ्ग न्यूज’ बनेका छन् । ‘छिमेकी मित्रराष्ट्रका प्रधानमन्त्रीको विरोध गरे कारबाही गर्ने’ चेतावनीपूर्णं गृहको विज्ञप्तीलाई भारतीय मिडियाले प्राथमिकताका साथ छापेका हुन् ।
भारतीय सञ्चार माध्यम एबपी न्यूजले ‘नेपालमा भारतीय प्रधानमन्त्री नरेन्द्र मोदीको पुतला जलाए जेल’ भन्दै ब्रेकिङ्ग न्यूज बनाएको छ । ब्रेकिङ्ग न्यूज भन्दै एबपीले लेखेको छ – नेपालमा यदि भारतीय प्रधानमन्त्री मोदीको पुत्ला जलाइयो भने जेल सजायँ हुनसक्छ, नेपालको गृह मन्त्रालयद्वारा जारी आदेशमा भनिएको छ कि भारतको विरुद्ध विरोध र पीएम मोदीको पुतला जलाए कडा कारबाही गरिनेछ ।’
जयसिंह धामीको वेपत्ता पछि नेपालमा भारतविरोध आन्दोलन हुन थालेको छ । कहि दिन अघि मात्रै नेकपा (एकीकृत समाजवादी)का विद्यार्थीहरुले ‘तुइन काट्ने एसएसबीलाई कारबाही गर, जयसिंहलाई न्याय दे’ भन्दै विरोध प्रदर्शन गरेका थिए ।
भारत विरोधी नारा लगाउनुका साथै उनीहरुले भारतीय प्रधानमन्त्री मोदीको पुत्ला दहन गरेका थिए ।
सम्बन्धित समाचार
वि.सं.२०७८ भदौ २० आइतवार १७:३५ मा प्रकाशित
