हामी सबैकाे संसारन्यूज

२० भदौ, काठमाडौं । भारतीय प्रधानमन्त्री नरेन्द्र मोदीको पुत्ला जलाएकोप्रति गृहमन्त्रालयले गम्भीर ध्यानाकर्षण भएको जनाएको छ ।

गृहमन्त्रालयका प्रवक्ता फणिन्द्रमणि पोखरेलले आइतवार एक विज्ञप्ति जारी गर्दै छिमेकी मित्रराष्ट्रका प्रधानमन्त्रीको प्रतिष्ठामा आँच आउने गरी नाराबाजी गर्ने, जुलुश प्रदर्शन गर्ने र पुत्ला दहन गर्ने गतिबिधिप्रति गृहमन्त्रालयको गम्भीर ध्यानाकर्षण भएको जनाएको हो ।
‘यस्ता उच्छ«खंल र निन्दनीय गतिबिधिप्रति मन्त्रालयको गम्भीर आपत्ति प्रकट गर्दछ ।’

दार्चुलास्थित महाकाली नदीमा भारतीय जवान एसएसवीले तुइन काटिदिएपछि नदीमा बेपत्ता भएका जयसिंहलाई न्याय दिन भन्दै नेकपा (एकिकृत समाजवादी) पार्टीको विद्यार्थी संगठन अनेरास्वीयूले शुक्रवार विरोध प्रदर्शन गरेको थियो । प्रदर्शनका क्रममा जयसिंह धामी प्रकणरणमा सत्य तथ्य छाानविन गर्न सरकारसमक्ष अनुरोध गर्दै मोदीको पुत्लना दहन गरेका थिए ।