हामी सबैकाे संसारन्यूज

२१ भदौ, रोल्पा । पहिरोले घर पुरिँदा एक बालक सहित दुई जनाको मृत्यु भएको छ भने दूई जना घाइते भएका छन् ।

बाम्लामा गए राति पूर्णबहादुर थापाको घर पहिराले पुरिँदा ७० वर्षीया गौसरी थापा र पाँच वर्षीय हिमाल रोकाको मृत्यु भएको हो । सोही पहिरामा परी ३५ वर्षीय मनबहादुर रोका र ३३ वर्षीय भीमकुमार रोका घाइते भएको प्रहरी नायब उपरीक्षक नरेशराज सुवेदीेले जानकारी दिए ।

उक्त ठाउँमा वर्षाका कारण एउटा घरमा पूर्णरुपमा क्षति पुगेको छ । दुई घरमा सामान्य क्षति पुगेको सुवेदीले बताए । जिल्ला प्रहरी कार्यालयको टोली, सशस्त्र प्रहरी र स्थानीयवासीले घाइतेको उद्धार गरेका थिए ।

यसैगरी सुनिल स्मृति गाउँपालिका–४ सुलिचौरमा पार्किङ गरेर राखिएको रा १ ख २०६८ नं को सनलाइट बोर्डिङ स्कुलको बस फगाम खोलाले बगाएको छ । सो बस उक्त ठाउँमा मर्मतका लागि राखिएको थियो ।
रासस