Sansar News
२२ भदौ, काठमाडौं । देशमा उत्तर पश्चिम बंगालको खाडीमा अवस्थित न्युन चापिय क्षेत्रको प्रभाव रहनुका साथै पश्चिमी तराई नजिक मनसुनको न्युन चापिय रेखा रहेको छ ।
हाल देशभर सामान्य देखि पूर्णतया वदली रही प्रदेश नं १, प्रदेश नं २, बागमती, र गण्डकी प्रदेशका थोरै स्थानहरूमा हल्का वर्षा भईरहेको छ ।
मौसम पूर्वानुमान महाशाखाका अनुसार आज दिउँसो गण्डकी, कर्णाली तथा सुदूरपश्चिम प्रदेशका थोरै र प्रदेश १, बागमती तथा लुम्बिनी प्रदेशका एक–दुई स्थानमा मेघगर्जन÷चट्याङ्ग सहित भारी वर्षाको सम्भावना रहेको छ ।
त्यस्तै राति पनि गण्डकी, लुम्बिनी, कर्णाली तथा सुदुरपश्चिमका धेरै र बाकी प्रदेशका केही स्थानहरुमा हल्का देखि मध्यम वर्षाको सम्भावना रहेको महाशाखाले जनाएको छ ।
बाढी पूर्वानुमान महाशाखाका अनुसार आज नारायणी, कर्णाली, महाकाली र यिनका सहायक नदीहरु र कन्काई, बागमती, पुर्वी राप्ती, तिनाउमा बहाब बढ्ने पुर्वानुमान छ ।
वि.सं.२०७८ भदौ २२ मंगलवार ०९:२० मा प्रकाशित
