हामी सबैकाे संसारन्यूज

भदाै २२, काठमाडौं। नेकपा (एमाले)का उपाध्यक्ष भीम रावल आफ्नै गृहनगरमा पनि एक्लीएका छन् । अछामका अधिकांश नेता तथा जनप्रतिनिधिहरु माधवकुमार नेपाल पक्षमा खुलिरहँदा उनकै गृहनगरकै मेयर र उपमेयरले पनि उनको साथ छाडेका हुन् ।

रावलको गृहनगर अछामको साँफेबगर नगरपालिकाका मेयर कुलबहादुर कुँवर र उपमेयर बिर्मलादेवी बुढथापाले आइतबार नेकपा (एकीकृत समाजवादी) मा सनाखत गरेका छन् । मेयर कुँवर नेकपा एमालेका सुदूरपश्चिम् प्रदेश कमिटी सदस्यसमेत थिए ।

नेकपा (एस)को पक्षमा सनाखत गरेपछि कुँवरले रावलले प्रतिगमनकारीको पक्षमा साथ दिएको प्रतिक्रिया दिए । उनले कुनै नेतालाई भन्दा पनि विचारलाई रोजेको प्रतिक्रिया बताए ।