हामी सबैकाे संसारन्यूज

भदौ २२, काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले विवादास्पद एमसीसीको विरोधमा देशव्यापी आन्दोलनको घोषणा गरेको छ । नेकपाले भदौ २८ गते काठमाडौंमा बृहत जनप्रदर्शन गर्नेसहितका कार्यक्रम घोषणा गरेको हो ।

नेकपाले भोलीदेखि नै चरणबद्ध आन्दोलनका कार्यक्रम सार्वजनिक गरेको छ । जसअनुसार भोली (भदौ २३ गते) मा देशव्यापी कोणसभा, २५ गते देशव्यापी विरोध प्रदर्शन, २६ गते एमसीसी सम्झौता जलाउनेलगायतका कार्यक्रम छन् ।

कहिले के ?

२३ गते बुधबार देशव्यापी कोणसभा
२५ गते देशव्यापी विरोध प्रदर्शन
२६ गते राष्ट्रघाती एमसीसी सम्झौता जलाउने
२७ गते सिट्ठी जुलुस गर्ने र एमसीसीका विरुद्ध बेलुन उडाउने
२८ गते विरोध प्रदर्शनसहित काठमाडौँमा जनसभा