हामी सबैकाे संसारन्यूज

२४ भदौ, काठमाडौं । अमेरिकी सहयोग नियोग मिलेनियम च्यालेन्स कर्पोरेशन (एमसीसी) की उपाध्यक्ष फतिमा सुमार र नायब उपाध्यक्ष जोनाथन ब्रुक्स आज नेपालको चारदिने भ्रमणमा आउदैछन् ।

कतार हुँदै बिहीवार बिहान नेपाल आइपुग्न लागेकी सुमार एमीसी परियोजना कार्यान्वयन भएका देशहरुको बार्षिक अवस्था बुझ्ने क्रममा नेपाल आउन लागेको बताईएको छ ।

चारदिने नेपाल बसाइका क्रममा उपाध्यक्ष सुमारले नेपालमा एमसीसी परियोजना कार्यान्वयन गर्ने विषयमा विभिन्न क्षेत्रका व्यक्तिहरुसँग कुराकानी गर्ने तथा प्रधानमन्त्री शेर बहादुर देउवा, अर्थमन्त्री जर्नादन शर्मा, उर्जा, जलस्रोत तथा सिँचाईमन्त्री पम्फा भुसाल लगायतका राजनीतिक व्यक्तित्वहरुसँग भेट गर्ने कार्यक्रम रहेको बताइएको छ ।

नेपालमा एमसीसी परियोजनाका विषयमा भिन्न–भिन्न मत आइरहेको र केही पक्षले एमसीसी नेपालका लागि अस्वीकार्य रहेको भन्दै विरोध भइरहेको अवस्थामा सुमारको यो भ्रमणलाई चासोको रुपमा हेरिएको छ ।