हामी सबैकाे संसारन्यूज

२८ भदौँ, काठमाडौँ । दशैंका लागि नेपाल राष्ट्र बैंकले नयाँ नोट असोज ४ गते देखि वितरण गर्ने भएको छ । बालुवाटार कार्यालय र प्रदेश स्थित प्रादेशिक कार्यालयहरुबाट नयाँ नोट वितरण हुने बैंकले जनाएको छ ।

‘क’ वर्गका बैंकहरुले समेत दशैंका लागि नयाँ नोट वितरण गर्नेछन् । यसका लागि अधिकांश बैंकहरुमा नयाँ नोट पुगिसकेको राष्ट्र बैंकले जनाएको छ । नयाँ नोट प्रतिव्यक्ति १८ हजार ५ सय रुपैयाँका दरले वितरण हुनेछ ।

हरेक वर्ष दशैंमा नयाँ नोट वितरण गर्दै आएको राष्ट्र बैंकले गत वर्ष कोरोनाका कारण नयाँ नोट वितरण गरेको थिएन । तर, यस वर्ष कोरोना सङ्क्रमण घटेपछि राष्ट्र बैंकले नयाँ नोट वितरण गर्न लागेको हो ।