Sansar News
२९ भदौ, काठमाडौं । प्रतिनिधिसभाको आजको बैठक दिउसो १ बजे बस्दै छ । संसद सचिवालयका अनुसार बैठकको आजको कार्यसूचीमा अर्थमन्त्री जर्नादन शर्माले ‘विनियोजन विधेयक २०७८ माथि विचार गरियोस्’ भन्ने प्रस्ताव पेश गर्ने रहेको छ ।
त्यस्तै राष्ट्रिसभाका मनोनित सदस्य, नेपाली कांग्रेसका नेता तथा पूर्वराजदूत रुक्म सम्शेर ज.ब.रा को निधनप्रति शोक प्रस्ताव पास गर्ने रहेको छ । जवराको ८६ वर्षको उमेरमा शनिवार उपचारका क्रममा निधन भएको थियो ।
कारबाही गरेका सांसदहरुको सूची टाँस नगरेको र एमाले फुटाउन सभामुखले भूमिका खेलेको आरोप लगाउँदै प्रमुख प्रतिपक्षी दल नेकपा एमालेले निरन्तर संसद अवरोध गर्दै आएको छ भने सभामुख अग्नि प्रसाद सापकोटाले संसदमा उत्पन्न अवरोध अन्त्यका लागि पहल गरिरहेका छन् ।
सभामुख सापकोटाले सोमबार डाकेको सर्वदलिय बैठकमा एमाले एमालेका अध्यक्ष केपी शर्मा ओली अनुपस्थित रहेका थिए ।
वि.सं.२०७८ भदौ २९ मंगलवार ०३:३३ मा प्रकाशित
