हामी सबैकाे संसारन्यूज

२९ भदौ, नवलपुर । नवलपुरको गैडाकोटमा बस र ट्रक ठोक्किदा तीनजनाको मृत्यु भएको छ ।

गैडाकोट नगरपालिका वडा नं १० को थुम्सी भन्ने ठाउमा कारभिट्टाबाट महेन्द्रनगर जाँदै गरेको सुदुरपश्चिम प्रदेश ०२–००१ ख ११२३ नम्बरको बस र विपरित दिशाबाट आएको ना ६ ख ७१२६ नम्बरको ट्रक ठक्कर खाँदा बसमा सवार तीनजनाको उपचारका क्रममा मृत्यु भएको जिल्ला प्रहरी कार्यालयका डिएसपी दिलीप कुमार गिरीले संसारन्युजलाई जानकारी दिएका छन् ।

डिएसपी गिरीका अनुसार मंगलबार बिहान ४ बजेतिर भएको उक्त बस दुर्घटनामा बसमा सवार २७ जनामध्ये २४ जना घाईते भएका छन् । घाईतेहरुमा तीन गम्भीर, ११ जना मध्यम र अन्य सामान्य रहेका छन् । घाईतेहरुलाई भरतपुरस्थिते मेडिकल कलेजमा उपचार गराइएको छ ।

‘बिहानको समय, त्यहाँ दुर्घटना हुनेजस्तो ठाउँ छैन चालककै लापरवाही र अनिदोको कारण दुर्घटना भएको हुनसक्छ अनुसन्धानका क्रममै छौं ।’