काठमाडौं । प्रधानन्यायाधीश चोलेन्द्र शमशेर राणाले आफूले पदबाट राजीनामा नदिने स्पष्ट पारेका छन् । फूलकोर्ट र इजलास बहिस्कार गर्दै राजीनामाको माग गरेका न्यायाधीशहरुलाई पद नछाड्ने प्रष्ट पारेका हुन् ।
प्रधान्यायाधीश राणाले विवादमा पर्ने जतिले राजीनामा दिए सोंच्न सक्ने जवाफ न्यायाधीशहरुलाई दिएका छन् । ‘विवादमा जो जो छन्, सबैले दिने हो भने सोच्न सकिन्छ, होइन भने सडकमा माग गर्दैमा राजीनामा दिन सकिन्नँ,’ जबराले भनेका छन् ।
प्रधानन्यायाधीश राणाले सक्ने भए महाभियोग लगाएर हटाउन पनि चुनौति दिएका छन । ‘मेरो संवैधानिक नियुक्ति हो, जाने प्रक्रिया पनि संवैधानिक नै हो, यत्तिकै राजीनामा दिने कुरा हुँदैन’, न्यायाधीशहरुलाई उनको जवाफ छ ।
सत्तारुढ दलहरुसँग मन्त्रीमा भागवण्डा खोजेको भन्दै उनको आलोचना भएको थियो । गजेन्द्र हमालको नियुक्तीसँगै पूर्वन्यायाधीश फोरम, पूर्वप्रधानन्यायाधीशहरु र सर्वोच्च बार एसोसिएसनले उनको राजीनामा माग गरेका थिए ।
वि.सं.२०७८ कात्तिक ९ मंगलवार १३:२२ मा प्रकाशित