Sansar News
काठमाडौं । नेकपा (माओवादी केन्द्र) का नेता तथा राष्ट्रियसभा सदस्य रामनारायण बिडारीले प्रधानन्यायाधीश चोलेन्द्र शमशेर राणाविरुद्ध महाभियोग लगाउनसक्ने प्रशस्त आधार र कारण बनेको बताएका छन् । मंगलबार रिपोर्टस क्बल नेपालले आयोजना गरेको साक्षात्कारमा बोल्दै उनले महाभियोग लगाउन सबै दलहरु सहमत हुनुपर्ने बताए ।
‘महाभियोगको विषयमा त न एमाले न गठबन्धन, सबै एकमत हुनुपर्छ, न्यायालय बलियो बनाउनुपर्छ, यो दृष्टिकोणले दलले निर्णय गर्नुपर्छ’, बिडारीले भने ।
बिडारीले न्यायालयमा देखिएको अराजकता निकै बिडम्बनापूर्णं रहेको टिप्पणी गरे । न्यायाधीशहरुलाई प्रधानन्यायाधीशले दिएको जवाफ महाभियोग फेस गर्न तयार छु भन्ने खालको भएको उनको भनाई थियो ।
न्यायालयको गरिमा जोगाउनका निम्ति पनि दलहरु एकमत हुनुपर्नेमा बिडारीको जोड छ ।
वि.सं.२०७८ कात्तिक ९ मंगलवार १७:४६ मा प्रकाशित
