हामी सबैकाे संसारन्यूज

काठमाडौं । प्रतिनिधिसभाको बैठक आज दिउँसो २ बजेका लागि बोलाईको छ ।

आजको बैठकको संभावित कार्यसूचीमा प्रधानमन्त्री शेरबहादुर देउवाले ‘राष्ट्रिय दलित आयोगको वार्षिक प्रतिवेदन आ.व. २०७७/७८’ पेश गर्ने संसदका महासचिव डा. भरतराज गौतमले जानकारी दिएका छन् ।

यसअघि ९ गतेका लागि बोलाइएको बैठक एमालेको पालिका अधिबेशनका कारण स्थगीत गरेर आजलाई बोलाइएको हो । एमालेले संसदको बैठक निरन्तर अवरुद्ध गर्दै आएको छ । उसले सभामुख अग्नि सापकोटाले पार्टीले काराबाही गरेका माधव कुमार नेपाल लगायतका नेतालाई कारबाहीको सूचना प्रकाशित नगरेर एमाले फुटाउन काममा सहयोगी भूमिका खेलेको आरोप समेत लगाउँदै आएको छ ।

विना अवरोध संसद सूचारुका लागि यसअघि सभामुख सापकोटाले बोलाएको सवदलीय बैठक समेत बहिष्कार गरेको थियो । सभामुखले पार्टीका अध्यक्ष केपी शर्मा ओलीसँग वान टु वान वार्ता गर्नुपर्ने माग राख्दै आएको छ ।