हामी सबैकाे संसारन्यूज

काठमाडौं । अमेरिकाबाट प्राप्त भएको कोरोनाविरुद्वको फाइजर खोप आगामी सातादेखि लगाइने भएको छ । स्वास्थ्य तथा जनसंख्या मन्त्रालयले जनाएअनुसार १२ वर्षमाथिका दीर्घ रोगीलाई लगाइने यो खोप अभियान कात्तिक २८ गतेदेखि मंसिर ४ गतेसम्म चल्नेछ ।

खोप सीमित ठूला अस्पतालबाट मात्रै दिन लागिएको बताइएको छ । काठमाडौं उपत्यकाभित्र ८ र बाहिर १६ गरी २४ वटा अस्पतालमार्फत खोप लगाइने जनाइएको छ ।

कसले पाउँछन् फाइजर खोप ?

१२ वर्षमाथिका दीर्घ रोग भएका बिरामी । जसमा मृगौला, मुटु, क्यान्सरि, छातीसँग सम्बन्धीत समस्या, उच्च रक्तचाप, मधुमेह, मस्तिष्कका रक्तनलीसम्बन्धी विभिन्न रोग लागेका दिर्घ बिरामीलाई यो खोप लगाइनेछ । खोप बाँकी रहेमा १२ देखि १८ वर्षका अन्य बालबालिकालाई पनि खोप लगाइने कार्यक्रम रहेको छ।

कुन–कुन अस्पतालमा लगाउन पाइन्छ ?

उपत्यकाका अस्पतालहरु

वीर अस्पताल
त्रिवि शिक्षण अस्पताल
निजामती सेवा अस्पताल
शहिद गंगालाल हृदय केन्द्र
भक्तपुर क्यान्सर अस्पताल
पाटन अस्पताल
शहिद धर्मभक्त राष्ट्रिय प्रत्यारोपण केन्द्र
वीरेन्द्र सैनिक अस्पताल

उपत्यका बाहिर अस्पतालहरु

मेची अस्पताल
बिपी कोइराला स्वास्थ्य विज्ञान प्रतिष्ठान
जनकपुर अस्पताल
बिपी कोइराला मेमोरियल क्यान्सर अस्पताल
गण्डकी स्वास्थ्य विज्ञान प्रतिष्ठान
लुम्बिनी प्रादेशिक अस्पताल
भेरी अस्पताल
डडेल्धुरा अस्पताल
कोशी अस्पताल
गजेन्द्र नारायण सिंह स्वास्थ्य विज्ञान प्रतिष्ठान
नारायणी अस्पताल
धुलिखेल अस्पताल
धवलागिरी अस्पताल
राप्ती स्वास्थ्य विज्ञान प्रतिष्ठान
कर्णाली प्रादेशिक अस्पताल
सेती अस्पताल