हामी सबैकाे संसारन्यूज

काठमाडौँ । सत्तागठबन्धन मध्येको एक दल नेकपा (माओवादी केन्द्र) निकट विद्यार्थी संठन अखिल क्रान्तिकारीका पूर्वअध्यक्ष रञ्जित तामाङले सरकारले हालै गरेको पेट्रेलियम पदार्थको मुल्यवृद्धिको कडा शब्दमा आक्रोश व्यक्त गरेका छन् ।

नेपाल आयल निगमले हरेक हप्ता पेट्रोलियम पदार्थको मूल्यवृद्धि गरिरहेको प्रति आक्रोश व्यक्त गर्दै सामाजिक सञ्जालमा नेता तामाङले आफ्नो समर्थनमा बनेको सरकार भनेर मौन बस्न नमिल्ने बताएका हुन् ।

मूल्यवृद्धिको खुलेर विरोध गर्न आह्वान गर्दै  सञ्जालमार्फत भनेका छन् ‘आफ्नो समर्थनमा बनेको सरकार भनेर मौन बस्न मिल्दैन । जनताको ढाड सेक्ने गरि भएको मूल्यवृद्धिको खुलेर बिरोध गरौं ।’

ओलीको कुशासन फालेर बनेको देउवा सरकारको अर्को कुशासन कै रुपमा दोहोरिनु बेठीक भएको भएको उनको तर्क छ । आयल निगम स्वायत्त संस्था रहे पनि सरकारद्वारा नियामक संस्था भएकोले यसको जिम्मेवार सरकार नै जिम्मेवार भएको ठहर गर्दै उनले यसबारे सरकारको ध्यान तुरुन्दै जानुपर्ने बताएका छन् ।