हामी सबैकाे संसारन्यूज

काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले नेत्रविक्रम चन्द विप्लवलाई पनि आफ्नो पार्टीमा प्रवेश प्रतिक्षारत रहेको बताएका छन् ।

शुक्रवार बिहान पेरिस डाँडामा आयोजित पार्टी प्रवेश कार्यक्रमलाई सम्बोधन गर्दै अध्यक्ष प्रचण्डले विप्लवलाई पनि आफ्नो पार्टीमा छिट्टै भित्राउन आफु आतुर रहेको बताएका छन् ।

‘ विप्लवजी पनि यसरी नै आउनुहुन्छ भन्ने विश्वास व्यक्त गर्दछु । अब अलग बसेर होइन हामी सबै एक ठाउँमा केन्द्रीत भएर मात्रै नेपाली क्रान्तिलाई अझ मौलिक तरिकाले नयाँ रणनीतिका साथ अगाडी लैजान सकिन्छ,’ कार्यक्रममा अध्यक्ष प्रचण्डले भने, ‘कुराकानी चलिरहेको छ किरणजी, बाबुरामजी तथा विप्लवजीहरुसँग छिट्टै हात मिलाउने र अंकमाल गर्ने दिनको प्रतीक्षामा छु ।

अध्यक्ष प्रचण्डले पार्टी बिभाजन भएर थुप्रै गुटहरु बनेको र अझै पनि प्रतिक्रियावादीहरु प्रचण्डलाई नै कसरी सिध्याउने र प्रचण्डलाई नसिध्याउँदासम्म माओवादी आन्दोलन नसकिने भयो भन्दै घेराबन्दी गरिरहेको समेत बताए ।
उनले प्रचण्ड व्यक्ति नभएर जनताले जन्माएको र एकैसमयमा थुप्रै प्रचण्ड हुन नसक्ने समेत बताए ।