Sansar News
काठमाडौं । दाङमा बस दुर्घटना हुँदा २९ जना घाईते भएका छन् ।
सुर्खेतबाट काठमाडौं आइरहेको कर्णाली प्रदेश ०२–००१ ख ०२१९ नम्बरको यात्रुबाहक बस दाङको लमही नगरपालिका ३ नारायणपुरमा दुर्घटना हुँदा २९ जना घाईते भएको जिल्ला प्रहरी कार्यालय दाङले जनाएको छ ।
प्रहरी कार्यालयका प्रहरी उपरीक्षक सुरेश काफ्लेका अनुसार राति २ बजे भएको उक्त बस दुर्घटनामा परि घाईते भएका २९ मध्ये ३ जना गम्भीर अवस्थामा रहेका छन् ।
गम्भीर रहेका चारको बाँकेको कोहलपुर मेडिकल कलेजमा उपचारका लागि पठाइएको र अन्यको लमहीमै उपचार भइरहेको छ । प्रहरीको नियन्त्रणमा रहेका चालकले बसको पट्टा भाचिएका कारण दुर्घटना भएको बताएका छन् । उक्त बसमा ३९ जना यात्रु सवार रहेको पनि प्रहरीले जनाएको छ ।
वि.सं.२०७८ मंसिर ५ आइतवार ०८:१८ मा प्रकाशित
