हामी सबैकाे संसारन्यूज

काठमाडौं । नेकपा एमालेले दशौं राष्ट्रिय महाधिबेशनका लागि ११ सदस्यीय अध्यक्ष मण्डल गठन गरेको छ ।

मंगलबार ललितपुरको च्यासलस्थित तुल्सीलाल स्मृति प्रतिष्ठानको भवनमा बसेको स्थायी कमिटी बैठकले महाधिवेशनबाट नयाँ नेतृत्व छनोट गर्नुअघि बन्दसत्र सञ्चालनका लागि अध्यक्ष मण्डल गठन गरिएको बताइएको छ ।

बैठकले अध्यक्ष केपी शर्मा ओली, युवराज ज्ञवाली, अष्टलक्ष्मी शाक्य, भीमबहादुर रावल, ईश्वर पोखरेल, सुवास नेम्वाङ, रामबहादुर थापा, टोपबहादुर रायमाझी, छविलाल विश्वकर्मा, लालबाबु पण्डित र गोमा देवकोटा रहेको अध्यक्ष मण्डल बनाएको हो ।

एमालेले यहि मंसिर १० देखि १२ गतेसम्म चितवनमा दशौं महाधिबेशन गर्दैछ । उक्त महाधिबेशनमा देशैभरीबाट ११ सय भन्दा प्रतिनिधिको सहभागिता रहने एमालेले जनाएको छ ।