हामी सबैकाे संसारन्यूज

काठमाडौं । नेत्रविक्रम चन्द ‘विप्लव)सहितका विभिन्न ६ दलले आगामी मंसिर २८ गते संसद भवन घेराउ गर्ने निर्णय गरेका छन् । विवादास्पद एमसीसी सम्झौतालाई टेबुल गर्ने तयारी स्वरुप बोलाइएको बैठकलाई अवरुद्ध गर्न दलहरुले संसद भवन घेराउको निर्णय गरेका हुन् ।

६ दलीय बैठकले मंसिर २४ देखि एमसीसीविरुद्व आन्दोलन गर्ने निर्णय गरेको छ । सोही आन्दोलनको कार्यक्रमअन्तर्गत मंसिर २७ मा नेपालस्थित एमसीएको कार्यालय घेराउन गर्ने निर्णय दलहरुले गरेका छन् ।

६ दलीय मोर्चामा नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी, मोहन वैद्य नेतृत्वको नेकपा (क्रान्तिकारी माओवादी), ऋषि कट्टेल नेतृत्वको नेकपा, विश्वभक्त दुलाल ‘आहुति’ नेतृत्वको वैज्ञानिक समाजवादी कम्युनिष्ट पार्टीलगायत सहभागी छन् । दलहरुले यसअघि पनि एमसीसीविरुद्व आन्दोलन चलाउँदै आएका थिए ।