Sansar News
काठमाडौं । नेकपा (एमाले)का अध्यक्ष केपी शर्मा ओली, नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र नेकपा –एकीकृत समाजवादी पार्टीका अध्यक्ष माधवकुमार नेपाल लामो समय पछि एउटै मञ्चमा देखिएका छन् । नेपाली कांग्रेसको १४ औं महाधिवेशनको उद्घाटन सत्रमा तीन नेता सँगै देखिएका हुन् ।
तत्कालिन नेपाल कम्युनिष्ट पार्टी (नेकपा)को विघटनसँगै तीन नेता एउटै मञ्चमा देखिएका थिएनन् । सर्वोच्चको आदेशसँगै एमाले र माओवादी साबिक अवस्थामै ब्यूँतिएका थिए । ब्यूतिएको एमाले पनि विभाजित भएको थियो ।
तीन नेतामध्ये प्रचण्ड र माधव पटक–पटक सँगै भएपनि ओली भने सँगै थिएनन् ।
ओली र प्रचण्ड–माधवबीच निकै राजनीतिक तिक्तता छ । ओलीले माधव नेपालको पार्टीलाई अवैधानिक भन्दै आएका छन् । उनले माधवसहितका १४ सांसदलाई पदमुक्त गर्नुपर्ने भन्दै संसद अवरुद्ध गर्दैसमेत आएका छन् ।
वि.सं.२०७८ मंसिर २४ शुक्रवार १५:१५ मा प्रकाशित
