Sansar News
काठमाण्डौं । नेकपा (माओवादी केन्द्रका वरिष्ठ नेता नारायणकाजी श्रेष्ठले पार्टीलाई क्रान्तिकारी रुपान्तरण र पुनर्गठन गर्नुपर्ने तत्कालको आवश्यकता रहेको बताएका छन् ।
शनिबार नौ प्रदेशमै संयुक्त रूपमा आयोजित माओवादी केन्द्रको प्रदेश अधिवेशनका क्रममा काठमाडौंमा सम्बोधन गर्दै वरिष्ठ नेता श्रेष्ठले पार्टीलाई क्रान्तिकारी रुपान्तरण र पुनर्गठन गरेरमात्रै समाजवादी क्रान्तिको नेतृत्व गर्न सक्ने बताएका छन् ।
विचारमा अझै विकसित गर्ने, गुटवादलाई अन्त्य, गर्ने भ्रष्टीकरणलाई रोक्ने, श्रमजीवी वर्गसँगको सम्बन्धबारे मिहिन तरिकाले समीक्षा गर्नुपर्ने आवश्यकता औल्याए । पार्टीभित्रका समस्या र कमजोरीलाई समाधान गर्दै यथास्थितिवादसँग सम्बन्धविच्छेद गरेर क्रान्तिकारी रुपान्तरण र पुनर्गठनको पहल गर्नैपर्ने उनको भनाई थियो ।
नेता दाहालले देशी–विदेशी शक्ति माओवादीलाई क्रान्तिकारी पार्टी बन्न नदिने षड्यन्त्रमा लागिपरेको भन्दै त्यसतर्फ सचेत रहनुपर्ने बताए । नेता श्रेष्ठले अध्यक्ष प्रचण्डको नेतृत्वमा पार्टीलाई एकाकार र थप बलियो बनाएर लैजान प्रतिबद्ध रहेको समेत बताए ।
वि.सं.२०७८ मंसिर २५ शनिवार १८:४६ मा प्रकाशित
