Sansar News
काठमाडौं । नेपालमा पछिल्लो २४ घण्टामा २६४ जना कोरोनाका नयाँ संक्रमित थपिएका छन् ।
पछिल्लो २४ घण्टामा गरिएको १३ हजार ७०९ नमुना परीक्षणमा २६४ जना कोरोना संक्रमित थपिएका हुन् । आज थपिएका २६४ जनासँगै नेपालमा हालसम्म आठ लाख २४ हजार ७६७ जना कोरोना संक्रमित भएका छन् ।
त्यसैगरी आज निको भएका ३६२ जनासँगै नेपालमा हालसम्म कोरोना संक्रमणबाट मुक्त हुनेको संख्या आठ लाख ७ हजार ५१६ पुगेको छ । कूल संक्रमित मध्ये निको हुनेको यो संख्या ९७.९ प्रतिशत हो ।
पछिल्लो २४ घण्टामा नेपालमा २ कोरोना संक्रमितको मृत्यु भएको छ । आज थपिएका २ जनासँगै हालसम्म ज्यान गुमाउनेको संख्या ११ हजार ५५९ पुगेको छ ।
स्वास्थ्य तथा जनसंख्या मन्त्रालयद्धारा जारी विवरण अनुसार नेपालमा हालसम्म २ करोड ९ लाख ९५ हजार ५३६ जनाले कोरोना भाइरसविरुद्धको खोप लगाइसकेका छन् । ती मध्ये हालसम्म १ करोड १६ लाख २९ हजार ६२१ जनाले पहिलो मात्रा र ९३ लाख ५६ हजार ९१५ जनाले दुवै मात्राको खोप लगाइसकेका छन् ।
नेपालमा पछिल्लो २४ घण्टामा २ लाख २६ हजार ४८२ जनाले कोरोना भाइरसविरुद्धको खोप लगाएको मन्त्रालयले जनाएको छ ।
वि.सं.२०७८ मंसिर २८ मंगलवार १७:२३ मा प्रकाशित
